сабота , 15 декември 2018

Мисајловски: СДСМ добија речиси готов автопат Демир Капија-Смоквица

Економијата тоне, а градежништвото е во слободен пад. Оваа неспособна власт ниту умее, ниту знае како да ги доврши веќе започнатите проекти од ВМРО-ДПМНЕ, ниту пак планира да започне нов капитален проект во инфраструктурата, истакна на денешната прес-конференција потпретседателот на ВМРО-ДПМНЕ, Владо Мисајловски.

Тој посочи дека договорот за автопатот Демир Капија – Смоквица заврши, а автопатот не е пуштен во употреба, иако потпишаа нов анекс со нов рок за градба и нов рок за надзор и тој не го исполнија.

-Доколку за скоро една година не можат да завршат и да пуштат во употреба завршен автопат може да претпоставиме што ќе се случува со останатите проекти. Ние ќе ги охрабриме барем малку да се фатат за работа за да можат граѓаните да ги видат придобивките од европскиот автопат Демир Капија – Смоквица и секако да го пуштат во употреба. Трагично е што градежништвото е во пад од околу 20%, проектите се застанати, а нови проекти нема. Ветувањето на СДСМ за 600 километри нови автопати ќе биде уште една голема лага како и сите други нивни ветувања, вели Мисајловски.

Според него ова дефинитивно е најнеспособната влада во нашата историја која нема никаков капацитет ниту за нови проекти, ниту пак за реформи во било која област.

-Колку побргу ќе си замине оваа неспособна власт, толку побргу ќе закрепне економијата и државата ќе се врати на вистинскиот пат. Се надеваме дека оваа влада ќе се разбуди и ќе се фати за работа, бидејќи само така граѓаните ќе видат придобивки, нагласи тој.

Извор:Курир.мк

Check Also

Ципрас: Следниот пат веќе нема да можете да го користите терминот Република Македонија

Алексис Ципрас по самитот на Европската Унија во Брисел со цинична насмевка ја најави забраната …

Опожарена викендицата на претседателот на ОК ВМРО-ДПМНЕ Прилеп, Ристески се сомнева во политичка позадина

Синоќа околу ѝ10:30 минути била опожарена викендичката на претседателот на ОК на ВМРО-ДПМНЕ Прилеп. Денес …

Мисајловски-Ќе ве издржиме и ќе ве поразиме!

Човек може да поднесе  пораз до одредена граница. Но кога некој ја преминува таа граница …

Напишете коментар

Вашата адреса за е-пошта нема да биде објавена. Задолжителните полиња се означени со *